சென்னை,ஏப்.11; நடிகர் விஜய்யின் நடிப்பில் உருவான ‘ஜனநாயகன்’ திரைப்படம் இணையதளங்களில் சட்டவிரோதமாக கசிந்த விவகாரம், தமிழ்நாடு அரசியலில் பெரும் பரபரப்பை ஏற்படுத்தியுள்ளது. இது தொடர்பாக பாரதிய ஜனதா கட்சி, நடிகர் விஜய்க்கு நேரடி சவால் ஒன்றை விடுத்துள்ளது.
படத்தின் இணைய கசிவு மற்றும் பின்னணி
விஜய் நடிப்பில் உருவான ‘ஜனநாயகன்’ திரைப்படம், நீண்ட கால தணிக்கை வாரிய சிக்கல்கள் மற்றும் நீதிமன்ற வழக்குகளுக்குப் பிறகு வெளியீட்டிற்குத் தயாரானது. ஆனால், திரையரங்குகளில் வெளியாவதற்கு முன்பே இப்படம் முழுமையாக இணையதளங்களில் கசிந்ததாகப் புகார்கள் எழுந்தன. இது திரையுலகினர் மற்றும் விஜய் ரசிகர்களிடையே பெரும் அதிர்ச்சியை ஏற்படுத்தியுள்ளது.
பாஜகவின் சிபிஐ விசாரணை கோரிக்கை
இது தொடர்பாக தமிழக பாஜக செய்தித் தொடர்பாளர் ஏ.என்.எஸ். பிரசாத் வெளியிட்டுள்ள அறிக்கையில், “’ஜனநாயகன்’ படம் இணையத்தில் வெளியானதால் ரூ.500 கோடிக்கு மேல் தயாரிப்பாளருக்கு இழப்பு ஏற்படும் என்று சமூக வலைத்தளங்களில் விளம்பரப்படுத்தி, மக்களை ஏமாற்றி பரிதாப வாக்குகளைப் பெற விஜய் நாடகம் ஆடுகிறார் எனக் குற்றஞ்சாட்டி உள்ளார்.”ஜனநாயகன் திரைப்படத்தின் கசிவு என்பது வெறும் திருட்டு மட்டுமல்ல, இதற்குப் பின்னால் ஒரு பெரிய அரசியல் சதி இருக்கலாம்” என்று அவர் சந்தேகம் எழுப்பியுள்ளார்.
இவ்வளவு பாதுகாப்புகளையும் மீறி படம் எப்படி கசிந்தது?
இந்த விவகாரத்தில் உண்மையை வெளிக்கொண்டுவர மத்திய புலனாய்வுத் துறை (CBI) விசாரணைக்கு விஜய் கோரிக்கை விடுப்பாரா?
தமிழக அரசின் கீழ் உள்ள சைபர் க்ரைம் போலீஸ் விசாரணையில் விஜய்க்கு நம்பிக்கை இருக்கிறதா? அல்லது சிபிஐ விசாரணையை அவர் நாடுவாரா?
விஜய்யின் அரசியல் பயணம் மற்றும் ‘ஜனநாயகன்’
தமிழக வெற்றிக் கழகம் (TVK) என்ற கட்சியைத் தொடங்கி, 2026 தேர்தலை இலக்காகக் கொண்டு விஜய் செயல்பட்டு வரும் வேளையில், அவரது கடைசிப் படமாகக் கருதப்படும் ‘ஜனநாயகன்’ இத்தகைய சிக்கல்களைச் சந்திப்பது சர்ச்சைக்கு வித்திட்டுள்ளது. இப்படத்தின் கசிவுக்கும் அவரது அரசியல் எழுச்சிக்கும் தொடர்பு இருக்குமோ என்ற கோணத்திலும் விவாதங்கள் நடைபெறுகின்றன.
‘ஜனநாயகன்’ படக்குழுவினர் ஏற்கனவே இது குறித்து சைபர் கரைம் துறையில் புகார் அளித்துள்ளனர். இருப்பினும், பாஜகவின் இந்த ‘சிபிஐ விசாரணை’ சவால், நடிகர் விஜய்யை அரசியல் ரீதியாக தர்மசங்கடத்தில் ஆழ்த்தும் முயற்சியாகவே பார்க்கப்படுகிறது. இதற்கு விஜய் தரப்பிலிருந்தோ அல்லது அவரது கட்சி தரப்பிலிருந்தோ என்ன பதில் வரும் என்பதைப் பொறுத்திருந்துதான் பார்க்க வேண்டும்.