சென்னை பெருநகர் வளர்ச்சிக் குழுமத்தின் சார்பில் காமராஜர் சாலையில் உள்ள மெரினா கடற்கரை பகுதிகளில் மெரினா பாரம்பரிய வழித்தட திட்டப் பணிகள் விறுவிறுப்பாக நடைபெற்று வருகிறது. சென்னை மெரினா கடற்கரை பகுதியில் உள்கட்டமைப்பு பணிகள் அதன் பாரம்பரியம் மாறாமல் நடந்து வருகிறது.
ஒட்டுமொத்தமாக ரூ.18.45 கோடி செலவில் சென்னை பெருநகரம் வளர்ச்சிக் குழுமத்தின் சார்பாக மேம்பாட்டுப் பணிகள் நடைபெற்று வருகின்றன. உழைப்பாளர் சிலை முதல் கலங்கரை விளக்கம் வரையுள்ள 3.2 கி.மீ தூரத்திற்கு இப்பணிகள் நடைபெறுகிறது.
சென்னையின் புதிய கடற்கரை பார்வையாளர் தளங்கள்
சென்னையில் மெரினா முதல் நீலாங்கரை வரை பரவியுள்ள கடற்கரை பகுதிகளில், மக்கள் கடலின் அழகை பாதுகாப்பாகவும், வசதியாகவும் ரசிப்பதற்காக இந்தப் புதிய தளங்கள் வடிவமைக்கப்பட உள்ளன.
- திட்டத்தின் நோக்கம்- சென்னைக் கடற்கரைகளுக்கு வரும் பார்வையாளர்களின் எண்ணிக்கை நாளுக்கு நாள் அதிகரித்து வருகிறது. குறிப்பாக மாலை நேரங்களிலும், வார இறுதி நாட்களிலும் மக்கள் கூட்டமாக கூடுகின்றனர்.
வசதியான பார்வை: மணற்பரப்பில் நடக்க சிரமப்படும் முதியவர்கள் மற்றும் மாற்றுத்திறனாளிகள் எளிதாக கடலை ரசிக்க வழிவகை செய்தல். உலகத்தரம் வாய்ந்த உட்கட்டமைப்புகளை உருவாக்கி, சென்னையை ஒரு சிறந்த சுற்றுலா நகரமாக மாற்றுதல்.
- மாநகராட்சி முதற்கட்டமாக தேர்வு செய்துள்ள 9 இடங்கள்: மெரினா கடற்கரை (நினைவிடங்களுக்கு அருகில்), பட்டினப்பாக்கம், பெசன்ட் நகர் எலியட்ஸ் கடற்கரை,
திருவான்மியூர், கொட்டிவாக்கம், பாலவாக்கம், நீலாங்கரை, ஈஞ்சம்பாக்கம்,
அக்கரை ஆகிய இடங்களாகும். - இந்த பார்வையாளர் தளங்கள் வெறும் நடைபாதைகளாக மட்டுமில்லாமல், பல நவீன வசதிகளுடன் அமைய உள்ளன. கடற்கரையின் இயற்கைத்தன்மை மாறாமல், மரம் மற்றும் சுற்றுச்சூழலுக்குப் பாதிப்பு ஏற்படுத்தாதப் பொருட்களைக் கொண்டு இவை அமைக்கப்படும். இரவு நேரங்களில் கடற்கரை அழகை மெருகூட்ட வண்ணமயமான மற்றும் மிதமான ஒளிதரும் விளக்குகள் பொருத்தப்படும்..
இளைஞர்களைக் கவரும் வகையில் (Selfie Spots) அழகிய பின்னணியுடன் கூடிய புகைப்படத் தளங்கள் உருவாக்கப்படும். பொதுமக்கள் அமர்ந்து கடலலைகளை ரசிக்க நவீன இருக்கை வசதிகள் செய்யப்படும்.
ஏற்கனவே மெரினாவில் அமைக்கப்பட்ட “நம்ம சென்னை” செல்பி பாயிண்ட் மற்றும் மாற்றுத்திறனாளிகளுக்கான நிரந்தர நடைபாதை ஆகியவை மக்களிடையே பெரும் வரவேற்பைப் பெற்றன. அதே பாணியில், இந்த 9 புதிய தளங்களும் சென்னையின் அடையாளங்களாக மாறும் என எதிர்பார்க்கப்படுகிறது. இது உள்ளூர் சிறு வியாபாரிகளுக்கும் மறைமுகமாக வாழ்வாதாரத்தை மேம்படுத்த உதவும்.