இந்திய இசை உலகின் புகழ்பெற்ற பின்னணி பாடகி எஸ். ஜானகி அவர்களின் உடலுக்கு இன்று (ஜூலை 12) கர்நாடக மாநிலம் மைசூருவில் முழு அரசு மரியாதையுடன் இறுதிச்சடங்கு நடைபெறுகிறது.
மைசூரு மகாராஜா கல்லூரி மைதானத்தில் பொதுமக்கள் அஞ்சலி செலுத்துவதற்காக அவரது உடல் வைக்கப்பட்டுள்ளது. ஆயிரக்கணக்கான ரசிகர்கள், இசை ரசிகர்கள், திரைப்பட பிரபலங்கள் மற்றும் அரசியல் தலைவர்கள் அஞ்சலி செலுத்தி வருகின்றனர்.
பின்னர், மைசூரு எச்.டி. கோட்டை சாலையில் அமைந்துள்ள அவரது பண்ணை இல்லத்தில் எஸ். ஜானகியின் உடல் நல்லடக்கம் செய்யப்படுகிறது.
பின்னணி பாடகி எஸ். ஜானகியின் கலைப்பணியை கவுரவிக்கும் வகையில், அவரது இறுதிச்சடங்கை முழு அரசு மரியாதையுடன் நடத்த கர்நாடக முதல்வர் உத்தரவிட்டுள்ளார். இதற்காக காவல்துறை பாதுகாப்பு மற்றும் அரசு சார்பிலான அனைத்து ஏற்பாடுகளும் செய்யப்பட்டுள்ளன.
தமிழ், தெலுங்கு, கன்னடம், மலையாளம், இந்தி உள்ளிட்ட பல மொழிகளில் ஆயிரக்கணக்கான பாடல்களை பாடி இந்திய இசை உலகில் அழியாத தடம் பதித்த எஸ். ஜானகியின் மறைவு, திரையுலகிற்கும் இசை ரசிகர்களுக்கும் பேரிழப்பாகக் கருதப்படுகிறது.