அசிதா பெர்னாண்டோவுடன் வாக்குவாதம் – ICC அதிரடி நடவடிக்கை
ஜெய்ஸ்வாலுக்கு 25% அபராதம் விதித்து சர்வதேச கிரிக்கெட் கவுன்சில் (ICC) நடவடிக்கை எடுத்துள்ளது. இலங்கைக்கு எதிரான 2வது டெஸ்ட் போட்டியின் முதல் நாளில் இலங்கை வீரர் அசிதா பெர்னாண்டோவுடன் ஏற்பட்ட வாக்குவாதம் மற்றும் தகாத உடல் தொடர்பு காரணமாக இந்த அபராதம் விதிக்கப்பட்டுள்ளது.
ஜெய்ஸ்வாலுக்கு 25% அபராதம்
இந்திய வீரர் யஷஸ்வி ஜெய்ஸ்வால் மற்றும் இலங்கை வேகப்பந்து வீச்சாளர் அசிதா பெர்னாண்டோ இருவருக்கும் அவர்களது போட்டிக் கட்டணத்தில் இருந்து 25% அபராதம் விதிக்கப்பட்டுள்ளது.
மேலும், இருவருக்கும் தலா 1 டீமெரிட் புள்ளி வழங்கப்பட்டுள்ளது. ICC நடத்தை விதிமுறையின் 2.12 பிரிவை மீறியதாக இருவரும் குற்றம் சாட்டப்பட்டு, குற்றத்தை ஒப்புக்கொண்டதால் முறையான விசாரணை தேவையில்லை என அறிவிக்கப்பட்டுள்ளது.
மோதலுக்கு என்ன காரணம்?
கொழும்பில் நடைபெற்று வரும் 2வது டெஸ்ட் போட்டியின் முதல் நாளில், இந்திய அணியின் முதல் இன்னிங்ஸின் 17வது ஓவரில் அசிதா பெர்னாண்டோ பந்துவீச்சில் ஜெய்ஸ்வால் ஆட்டமிழந்தார்.
அதன்பிறகு இருவருக்கும் இடையே வார்த்தை மோதல் ஏற்பட்டது. தொடர்ந்து இருவரும் நேருக்கு நேர் வந்த நிலையில், உடல் ரீதியான தொடர்பும் ஏற்பட்டதாக ICC தெரிவித்துள்ளது.
இருவருக்கும் ஒரே தண்டனை
இந்த சம்பவத்தில் ஜெய்ஸ்வால் மற்றும் பெர்னாண்டோ இருவரும் ICC விதிமுறையை மீறியதாகக் கண்டறியப்பட்டுள்ளனர். இதையடுத்து இருவருக்கும் போட்டிக் கட்டணத்தில் இருந்து 25% அபராதமும், தலா ஒரு டீமெரிட் புள்ளியும் வழங்கப்பட்டுள்ளது.
கடந்த 24 மாதங்களில் இருவருக்கும் எந்தவிதமான முந்தைய குற்றப் பதிவும் இல்லாததால், தலா ஒரு டீமெரிட் புள்ளி மட்டுமே வழங்கப்பட்டுள்ளதாக ICC தெரிவித்துள்ளது.