துபாயில் இருந்து தங்கம் கடத்திவந்த விவகாரத்தில் கைது செய்யப்பட்டுள்ள நடிகை ரன்யா ராவின் தாயார் தொடுத்த வழக்கில், கர்நாடக உயர்நீதிமன்றம் அதிரடி தீர்ப்பை வழங்கியுள்ளது. ரன்யா ராவ் சட்டவிரோத காவலில் வைக்கப்பட்டுள்ளதாக கூறி தாக்கல் செய்யப்பட்ட ஆட்கொணர்வு மனுவை (Habeas Corpus) நீதிமன்றம் தள்ளுபடி செய்துள்ளது.
தங்கம் கடத்தல் பின்னணி
கடந்த மார்ச் மாதம் துபாயில் இருந்து இந்தியாவுக்கு சட்டவிரோதமாக 14 கிலோ தங்கம் கடத்தி வரப்பட்ட வழக்கில், கன்னட நடிகை ரன்யா ராவ் சுங்கத்துறையினரால் கைது செய்யப்பட்டார். அவரிடம் இருந்து தங்கம் பறிமுதல் செய்யப்பட்டது. இந்த விவகாரம் திரைத்துறை மற்றும் அரசியல் வட்டாரத்தில் பெரும் பரபரப்பை ஏற்படுத்தியது.
இதனிடையே, ரன்யா ராவை சட்டவிரோதகமாக அதிகாரிகள் காவலில் வைத்துள்ளதாகவும், அவரை உடனே ஆஜர்படுத்த உத்தரவிட வேண்டும் எனவும்கோரி அவரது தாயார் ரோகிணி ஆட்கொணர்வு மனுதாக்கல் செய்தார்.
இந்த மனுவை விசாரித்த நீதிபதிகள் அமர்வு, புலனாய்வு அமைப்புகளின் வாதத்தை கேட்டறிந்தனர். கைது நடவடிக்கை சட்ட விதிகளுக்கு உட்பட்டே நடந்துள்ளதாகவும், கடத்தல் தொடர்பான போதிய ஆதாரங்கள் இருப்பதாகவும் அதிகாரிகள் தரப்பில் தெரிவிக்கப்பட்டது.
கர்நாடக உயர் நீதிமன்றத்தின் அதிரடி தீர்ப்பு
வழக்கின் அனைத்து அம்சங்களையும் ஆராய்ந்த நீதிபதிகள், இந்த கைது நடவடிக்கையில் எவ்வித சட்டமீறலும் இல்லை என்று குறிப்பிட்டனர். தங்கம் கடத்தல் போன்ற தீவிரமான வழக்குகளில் விசாரணை அமைப்புக்கு முழு ஒத்துழைப்பு வழங்கப்பட வேண்டும் என்று கூறி, நடிகையின் தாயார் தாக்கல் செய்த மனுவை தள்ளுபடி செய்து உத்தரவிட்டனர்.
ரன்யா ராவ் வழக்கின் தற்போதைய நிலை என்ன?
நீதிமன்றத்தின் இந்த தீர்ப்பால், குற்றஞ்சாட்டப்பட்டவர் தொடர்ந்து நீதிமன்ற காவலில் இருக்க வேண்டிய சூழல் ஏற்பட்டுள்ளது. இந்த வழக்கில் மேலும் பல முக்கிய புள்ளிகளுக்கு தொடர்பு இருக்கலாம் என்ற கோணத்தில் சுங்கத்துறை அதிகாரிகள் விசாரணையை தீவிரப்படுத்தியுள்ளனர்.
சட்டவிரோத கடத்தல் நடவடிக்கைகளுக்கு எதிரான அரசின் பிடி இறுகி வருவதையே இந்த தீர்ப்பு காட்டுகிறது. பிரபலங்களின் குடும்ப உறுப்பினர்கள் இதுபோன்ற விவகாரங்களில் சிக்குவது பொதுமக்களிடையே அதிர்ச்சியை ஏற்படுத்தியுள்ளது. சட்டத்தின் முன் அனைவரும் சமம் என்பதை இந்த வழக்கின் போக்கு மீண்டும் உறுதிப்படுத்தியுள்ளது.