சென்னை,டிச.29; சென்னை எழும்பூர் ரயில் நிலையத்தில் இருந்து தென் மாவட்டங்களுக்கு இயக்கப்படும் முக்கிய ரயில்களின் புறப்படும் நேரங்கள் வருகிற ஜனவரி 1ஆம் தேதி முதல் மாற்றியமைக்கப்படுவதாக தெற்கு ரயில்வே அறிவித்துள்ளது. பயணிகள் இந்த நேர மாற்றத்தைக் கவனித்து தங்கள் பயணத்தைத் திட்டமிடுமாறு அறிவுறுத்தப்படுகிறார்கள்.
எழும்பூரில் இருந்து புறப்படும் ரயில்களின் புதிய நேரங்கள்
சென்னை எழும்பூரில் இருந்து தென் மாவட்டங்களை நோக்கிச் செல்லும் விரைவு ரயில்களின் புதிய கால அட்டவணை பின்வருமாறு:
குருவாயூர் எக்ஸ்பிரஸ்: காலை 10.20 மணிக்கு பதிலாக 10.40 மணிக்கு புறப்படும்.
நெல்லை எக்ஸ்பிரஸ்: இரவு 8.40 மணிக்கு பதிலாக 8.50 மணிக்கு புறப்படும்.
சோழன் எக்ஸ்பிரஸ் (திருச்சி): காலை 7.45 மணிக்கு பதிலாக 8.00 மணிக்கு புறப்படும்.
பொதிகை எக்ஸ்பிரஸ்: இரவு 8.10 மணிக்கு பதிலாக முன்கூட்டியே 7.35 மணிக்கு புறப்படும்.
ராமேசுவரம் எக்ஸ்பிரஸ்: இரவு 7.15 மணிக்கு பதிலாக 8.35 மணிக்கு புறப்படும்.
வைகை எக்ஸ்பிரஸ் (மதுரை): மதியம் 1.45 மணிக்கு பதிலாக முன்கூட்டியே 1.15 மணிக்கு புறப்படும்.
முத்துநகர் எக்ஸ்பிரஸ் (தூத்துக்குடி): இரவு 7.30 மணிக்கு பதிலாக 7.15 மணிக்கு புறப்படும்.
நெல்லை வந்தே பாரத் எக்ஸ்பிரஸ்: மதியம் 2.45 மணிக்கு பதிலாக 3.05 மணிக்கு புறப்படும்.
குறிப்பு: அனந்தபுரி எக்ஸ்பிரஸ் மற்றும் செந்தூர் எக்ஸ்பிரஸ் ரயில்களின் நேரங்களில் எவ்வித மாற்றமும் செய்யப்படவில்லை.
மறுவழித்தடத்தில் சென்னை வரும் ரயில்களின் நேர மாற்றம்
தென் மாவட்டங்களில் இருந்து சென்னை எழும்பூர் நோக்கி வரும் ரயில்களின் புறப்படும் நேரங்களிலும் சில மாற்றங்கள் செய்யப்பட்டுள்ளன:
நெல்லை-சென்னை: நெல்லையில் இருந்து இரவு 8.40-க்கு பதிலாக 8.50 மணிக்கு புறப்படும்.
திருச்சி-சென்னை (சோழன்): காலை 11.00-க்கு பதிலாக மதியம் 12.10 மணிக்கு புறப்படும்.
செங்கோட்டை-சென்னை (பொதிகை): மாலை 6.45-க்கு பதிலாக 6.50 மணிக்கு புறப்படும்.
ராமேசுவரம்-சென்னை: மாலை 5.50-க்கு பதிலாக 6.00 மணிக்கு புறப்படும்.
தூத்துக்குடி-சென்னை (முத்துநகர்): இரவு 8.40-க்கு பதிலாக 9.05 மணிக்கு புறப்படும்.
மின்சார ரயில் அட்டவணை-விரைவில் மாற்றம்!
சென்னை புறநகர் மின்சார ரயில்களுக்கான புதிய நேர அட்டவணையும் விரைவில் வெளியிடப்படும் என்று ரயில்வே அதிகாரிகள் தெரிவித்துள்ளனர்.
புத்தாண்டு முதல் இந்த நேர மாற்றங்கள் அமலுக்கு வருவதால், ரயிலில் பயணம் செய்யும் பயணிகள் தங்களது டிக்கெட்டுகளில் உள்ள நேரத்தை ஒருமுறை சரிபார்த்துக் கொள்ளுமாறு கேட்டுக்கொள்ளப்படுகிறார்கள். குறிப்பாக பொதிகை மற்றும் வைகை எக்ஸ்பிரஸ் ரயில்கள் வழக்கத்தைவிட முன்கூட்டியே புறப்படுவதால், பயணிகள் முன்னதாகவே ரயில் நிலையம் சென்றடைவது அவசியமாகும்.