சென்னை,ஜன.03; ஒவ்வொரு ஆண்டும் பொங்கல் திருநாளை முன்னிட்டு சென்னையில் இருந்து தங்கள் சொந்த ஊர்களுக்குச் செல்லும் மக்களின் வசதிக்காக தெற்கு ரயில்வே சிறப்பு ரயில்களை இயக்குவது வழக்கம். அந்த வகையில், 2026 பொங்கல் பண்டிகையை முன்னிட்டு தென்மாவட்டங்களுக்கு இயக்கப்பட உள்ள சிறப்பு ரயில்கள் குறித்த அதிகாரப்பூர்வ அறிவிப்பை தெற்கு ரயில்வே வெளியிட்டுள்ளது.
பயணிகளின் வசதிக்காக கூடுதல் ரயில்கள்
பொங்கல் பண்டிகைக்காக ஜனவரி மாதத்தின் இரண்டாவது வாரத்தில் கூட்ட நெரிசல் அதிகமாக இருக்கும் என்பதால், நாகர்கோவில், கன்னியாகுமரி, திருநெல்வேலி மற்றும் கோவை ஆகிய இடங்களுக்குச் சிறப்பு ரயில்கள் இயக்கப்படுகின்றன. இதன் மூலம் பயணிகள் எவ்வித சிரமமும் இன்றி பயணம் செய்ய வழிவகை செய்யப்பட்டுள்ளது.
1. நாகர்கோவில் – தாம்பரம் சிறப்பு ரயில் (06012 / 06011)
வண்டி எண் 06012: ஜனவரி 11 மற்றும் 18 (ஞாயிற்றுக்கிழமைகளில்) நாகர்கோவிலில் இருந்து இரவு 11:00 மணிக்குப் புறப்பட்டு, மறுநாள் காலை 10:15 மணிக்குத் தாம்பரம் சென்றடையும்.
வண்டி எண் 06011: ஜனவரி 12 மற்றும் 19 (திங்கட்கிழமைகளில்) தாம்பரத்தில் இருந்து அதிகாலை 03:30 மணிக்குப் புறப்பட்டு, மறுநாள் அதிகாலை 03:30 மணிக்கு நாகர்கோவில் சென்றடையும்.
2. கன்னியாகுமரி – தாம்பரம் சிறப்பு ரயில் (06054 / 06053)
வண்டி எண் 06054: ஜனவரி 13 மற்றும் 20 (செவ்வாய்க்கிழமைகளில்) கன்னியாகுமரியில் இருந்து இரவு 08:30 மணிக்குப் புறப்பட்டு, மறுநாள் காலை 10:15 மணிக்குத் தாம்பரம் சென்றடையும்.
வண்டி எண் 06053: ஜனவரி 14 மற்றும் 21 (புதன்கிழமைகளில்) தாம்பரத்தில் இருந்து மதியம் 12:30 மணிக்குப் புறப்பட்டு, மறுநாள் அதிகாலை 03:30 மணிக்கு கன்னியாகுமரி சென்றடையும்.
3. திருநெல்வேலி – செங்கல்பட்டு சிறப்பு ரயில் (06156 / 06055)
வண்டி எண் 06156: ஜனவரி 09 மற்றும் 16 (வெள்ளிக்கிழமைகளில்) திருநெல்வேலியில் இருந்து அதிகாலை 03:45 மணிக்குப் புறப்பட்டு, அதே நாள் மதியம் 01:15 மணிக்குச் செங்கல்பட்டு சென்றடையும்.
மறுவழித்தடம் (06055): செங்கல்பட்டில் இருந்து மதியம் 03:30 மணிக்குப் புறப்பட்டு, மறுநாள் அதிகாலை 02:00 மணிக்கு திருநெல்வேலி சென்றடையும்.
4. கோவை – சென்னை சென்ட்ரல் சிறப்பு ரயில் (06034 / 06033)
வண்டி எண் 06034: ஜனவரி 11 மற்றும் 18 தேதிகளில் கோவையில் இருந்து இரவு 11:30 மணிக்குப் புறப்பட்டு, காலை 09:50 மணிக்குச் சென்னை சென்ட்ரல் சென்றடையும்.
வண்டி எண் 06033: ஜனவரி 12 மற்றும் 19 தேதிகளில் சென்னையில் இருந்து இரவு 11:25 மணிக்குப் புறப்பட்டு, காலை 09:00 மணிக்குக் கோவை சென்றடையும
பொங்கல் பண்டிகைக்காகச் சொந்த ஊர் செல்லத் திட்டமிடும் பயணிகள், ஐஆர்சிடிசி (IRCTC) இணையதளம் அல்லது ரயில்வே முன்பதிவு மையங்கள் வாயிலாகத் தங்களது பயணச் சீட்டுகளை முனகூட்டியே பதிவு செய்துகொள்ள அறிவுறுத்தப்படுகிறார்கள். இந்த சிறப்பு ரயில்கள் மூலம் கடைசி நேர நெரிசலைத் தவிர்த்து, பாதுகாப்பான பயணத்தை மேற்கொள்ளலாம்.