சென்னை,ஏப்.29; 234 தொகுதிகளைக் கொண்ட தமிழ்நாடு சட்டப்பேரவைக்கு கடந்த 23ம் தேதி தேர்தல் நடைபெற்றது. தேர்தலில் 85.10 விழுக்காடு வாக்குகள் பதிவாகின. இதில் பதிவான வாக்குகள் வரும் 4ஆம் தேதி எண்ணப்பட்டு முடிவுகள் அறிவிக்கப்பட உள்ளன.
தேர்தலில் வென்று ஆட்சியைக் கைப்பற்றப்போவது யார்? என்ற எதிர்பார்ப்பு மக்கள் மத்தியில் எழுந்துள்ளது.
திமுக, அதிமுக, தவெக, நாம் தமிழர் என 4 முனை போட்டி நிலவும் நிலையில் ஆட்சியை கைப்பற்றப்போவது யார்? என்ற எதிர்பார்ப்பு அதிகரித்துள்ளது.
வாக்குகளை எண்ண 62 மையங்கள் தயார் நிலையில்…
வாக்கு எண்ணிக்கைக்காக மாநிலம் முழுவதும் 62 மையங்கள் அமைக்கப்பட்டுள்ளதாகத் தேர்தல் ஆணையம் தெரிவித்துள்ளது.
வாக்குப்பதிவு முடிந்த கையோடு, மின்னணு வாக்குப்பதிவு எந்திரங்கள் அனைத்தும் பலத்த பாதுகாப்புடன் அந்தந்த மாவட்டங்களில் உள்ள வாக்கு எண்ணும் மையங்களுக்குக் கொண்டு செல்லப்பட்டு, சீல் வைக்கப்பட்ட அறைகளில் (Strong Rooms) வைக்கப்பட்டுள்ளன.
வாக்கு எண்ணிக்கை மையங்களின் விவரம்
வரும் மே 4-ம் தேதி வாக்கு எண்ணிக்கை நடைபெற உள்ள நிலையில், அதற்கான விரிவான ஏற்பாடுகளைத் தேர்தல் ஆணையம் செய்துள்ளது. இதற்காகத் தமிழ்நாடு முழுவதும் மொத்தம் 62 மையங்கள் தயார் நிலையில் உள்ளன.
அதிகபட்ச மையங்கள்: மதுரையில் அதிகபட்சமாக 5 மையங்கள் அமைக்கப்பட்டுள்ளன.
மற்ற மாவட்டங்கள்: சேலம் மற்றும் கடலூர் மாவட்டங்களில் தலா 4 மையங்கள் அமைக்கப்பட்டுள்ளன.
வாக்கு எண்ணும் மையங்களில் சிசிடிவி கேமராக்கள் மற்றும் மூன்றடுக்கு போலீஸ் பாதுகாப்பு போடப்பட்டுள்ளது.
நான்கு முனைப் போட்டியில் வெல்லப்போவது யார்?
இந்தத் தேர்தல் தமிழ்நாடு அரசியல் வரலாற்றில் மிகவும் முக்கியத்துவம் வாய்ந்ததாகக் கருதப்படுகிறது. நான்க ு முனைப் போட்டி நிலவும் இத்தேர்தலில் ஆட்சிக் கட்டிலில் அமரப்போவது யார் என்ற எதிர்பார்ப்பு மக்கள் மற்றும் அரசியல் வட்டாரங்களில் உச்சகட்டத்தை எட்டியுள்ளது.
மே 4ஆம் தேதி காலை 10 மணிக்கு டிரெண்டிங் தெரியவரும்!
மே 4-ம் தேதி காலை 8 மணி முதல் வாக்கு எண்ணிக்கை தொடங்கும். முதலில் தபால் வாக்குகள் எண்ணப்பட்டு, பின்னர் மின்னணு எந்திரங்களில் உள்ள வாக்குகள் எண்ணப்படும். அன்றைய தினமே மதியத்திற்குள் முன்னணி நிலவரங்களும், மாலைக்குள் முழுமையான முடிவுகளும் அதிகாரப்பூர்வமாக அறிவிக்கப்படும் என்று எதிர்பார்க்கப்படுகிறது.
தமிழ்நாட்டின் அடுத்த ஐந்து ஆண்டு கால ஆட்சியைத் தீர்மானிக்கப் போகும் அந்த ‘மே 4’ தேதிக்காக ஒட்டுமொத்த மாநிலமே காத்திருக்கிறது. பலத்த பாதுகாப்பு மற்றும் நவீன வசதிகளுடன் அமைக்கப்பட்டுள்ள இந்த 62 மையங்களில் முறையான நெறிமுறைகளைப் பின்பற்றி வாக்குகள் எண்ணப்படுவதை உறுதி செய்யத் தேர்தல் ஆணையம் அனைத்து நடவடிக்கைகளையும் எடுத்துள்ளது.