மதுரையில் மேம்படுத்தப்பட்ட காந்தி நினைவு அருங்காட்சியகத்தை திறந்து வைத்து பார்வையிட்ட முதல்வர் விஜய்
மதுரையில் மேம்படுத்தப்பட்ட காந்தி நினைவு அருங்காட்சியகத்தை முதலமைச்சர் விஜய் திறந்து வைத்து பார்வையிட்டார். அப்போது, காந்தியின் உபதேசங்களில் ஒன்றான “நாம் உலகில் பார்க்க விரும்பும் மாற்றம், முதலில் நம்மிடம் நிகழ வேண்டும்” என்ற வாசகத்தை அருங்காட்சியக நிர்வாகி முதல்வர் விஜய்யிடம் காண்பித்தார்.
காந்தியடிகளின் வாழ்க்கை, கொள்கைகள் மற்றும் சுதந்திரப் போராட்ட கால வரலாற்றை எடுத்துரைக்கும் வகையில் மதுரை காந்தி நினைவு அருங்காட்சியகம் மேம்படுத்தப்பட்டுள்ளது. அருங்காட்சியகத்தில் புதுப்பிக்கப்பட்ட பல்வேறு அரங்குகள் மற்றும் நவீன வசதிகளை முதலமைச்சர் விஜய் பார்வையிட்டார்.
அருங்காட்சியகத்தை சுற்றிப் பார்த்தபோது, காந்தியின் சிந்தனைகள் மற்றும் அவரது வாழ்க்கை தொடர்பான பல்வேறு தகவல்கள் இடம்பெற்றிருந்தன. அந்த வகையில், “நாம் உலகில் பார்க்க விரும்பும் மாற்றம், முதலில் நம்மிடம் நிகழ வேண்டும்” என்ற காந்தியின் உபதேச வாசகம் இடம்பெற்றிருந்த பகுதியை நிர்வாகி முதலமைச்சர் விஜய்யிடம் காண்பித்தார்.
காந்தியின் இந்த வாசகம், சமூகத்தில் மாற்றத்தை எதிர்பார்ப்பதற்கு முன்பாக ஒவ்வொருவரும் தங்களிடம் மாற்றத்தை ஏற்படுத்திக் கொள்ள வேண்டும் என்ற கருத்தை வலியுறுத்துவதாக அமைந்துள்ளது.
மதுரையில் புதுப்பிக்கப்பட்ட காந்தி நினைவு அருங்காட்சியகத்தில் காந்தியின் வரலாறு, சுதந்திரப் போராட்டத்தில் அவரது பங்கு, அவரது சிந்தனைகள் மற்றும் தமிழ்நாட்டுடனான தொடர்புகள் உள்ளிட்ட பல்வேறு அம்சங்கள் நவீன முறையில் காட்சிப்படுத்தப்பட்டுள்ளன.