மலேசியாவில் பயிலும் மாணவருக்கு அம்பேத்கர் அயலக கல்வி உதவித் திட்டம் வழங்கப்படவில்லை என பரப்பப்படும் தகவல் தவறானது என அமைச்சர் வன்னி அரசு சட்டமன்றத்தில் தெரிவித்துள்ளார்.
மாணவருக்கு ரூ.48 லட்சம் வழங்கப்பட்டுள்ளது
மலேசியாவில் கல்வி பயிலும் மாணவர் பாரதிதாசனின் படிப்புக்கு தேவையான தொகையாக ரூ.48 லட்சம் ஏற்கனவே வழங்கப்பட்டுள்ளதாக அமைச்சர் தெரிவித்தார். ஆனால், மாணவர் அதற்குரிய சரியான பயனீட்டு விவரங்கள் மற்றும் தேவையான ஆவணங்களை இதுவரை சமர்ப்பிக்கவில்லை என்றும் அவர் கூறினார்.
உரிய ஆவணங்களை சமர்ப்பிக்காமல் கூடுதல் தொகை பெறுவதற்காக மாணவர் தவறான தகவல்களை தெரிவிப்பதாகவும் அமைச்சர் வன்னி அரசு சட்டமன்றத்தில் விளக்கம் அளித்தார்.
362 மாணவர்களுக்கு ரூ.131 கோடி
அம்பேத்கர் அயலக கல்வி உதவித் திட்டம் தொடர்பாக மேலும் பேசிய அமைச்சர், கடந்த ஆண்டை விட இந்த ஆண்டு அதிகளவில் மாணவர்களுக்கு கல்வி உதவி வழங்கப்பட்டுள்ளதாக தெரிவித்தார்.
இந்த ஆண்டு மட்டும் 362 மாணவர்களுக்கு ரூ.131 கோடி நிதி வழங்கப்பட்டுள்ளதாகவும், வெளிநாடுகளில் உயர்கல்வி பயிலும் மாணவர்களுக்கு அரசு தொடர்ந்து ஆதரவு அளித்து வருவதாகவும் அமைச்சர் வன்னி அரசு தெரிவித்தார்.
அம்பேத்கர் அயலக கல்வி உதவித் திட்டம் குறித்து அமைச்சர் பதில்
இதனால், மலேசியாவில் பயிலும் மாணவருக்கு அம்பேத்கர் அயலக கல்வி உதவித் திட்டம் வழங்கப்படவில்லை என்ற தகவல் தவறானது என்றும், உள்நோக்கத்துடன் தவறான செய்திகள் பரப்பப்படுவதாகவும் அமைச்சர் குற்றம்சாட்டினார்.