ஆங்கில புத்தாண்டு கொண்டாட்டத்திற்கு தயாராகும் மக்கள்; சென்னையில் எங்கெல்லாம் போக்குவரத்து மாற்றம்? அறிந்துகொள்க…!

சென்னை,டிச.31; ஆங்கில புத்தாண்டு கொண்டாட்டத்தை முன்னிட்டு, சென்னையில் இன்று (டிசம்பர் 31, 2025) போக்குவரத்து மாற்றங்களை செய்து போக்குவரத்து காவல்துறையினர் உத்தரவு பிறப்பித்துள்ளனர். .

முக்கிய சாலையில் போக்குவரத்து மாற்றங்கள்

மெரினா கடற்கரை (காமராஜர் சாலை): போர் நினைவுச் சின்னம் (War Memorial) முதல் கலங்கரை விளக்கம் (Lighthouse) வரையிலான சாலை இன்று இரவு 8 மணி முதல் நாளை காலை 6 மணி வரை வாகனப் போக்குவரத்துக்கு மூடப்படும்.

கடற்கரை உட்புறச் சாலை: மெரினா கடற்கரை உட்புறச் சாலை இன்று இரவு 7 மணி முதல் காலை 6 மணி வரை மூடப்படும். இங்கு வாகனங்களை நிறுத்த அனுமதி இல்லை.

மேம்பாலங்கள்: சென்னையில் உள்ள அனைத்து மேம்பாலங்களும் இன்று இரவு 10 மணி முதல் நாளை காலை 6 மணி வரை போக்குவரத்துக்கு மூடப்படும்.

வாகனத் திசைமாற்றம்:

அடையாறில் இருந்து வருபவர்கள்: அடையாறில் இருந்து காமராஜர் சாலை நோக்கி வரும் வாகனங்கள் கிரீன்வேஸ் சாலை மற்றும் தெற்கு கால்வாய் சந்திப்பில் திருப்பி விடப்படும். இவை மந்தைவெளி, லஸ் மற்றும் மயிலாப்பூர் வழியாகச் செல்லலாம்.

டாக்டர் ஆர்.கே. சாலையில் இருந்து வருபவர்கள்: டாக்டர் ஆர்.கே. சாலையில் இருந்து காமராஜர் சாலை நோக்கிச் செல்லும் வாகனங்கள் வி.எம். தெரு சந்திப்பில் திருப்பி விடப்பட்டு சாந்தோம் சாலை மற்றும் கிரீன்வேஸ் சாலை வழியாகச் செல்லலாம்.

பாரிஸ் சந்திப்பில் இருந்து வருபவர்கள்: ரிசர்வ் வங்கி (RBI) சுரங்கப்பாதை வழியாக வரும் வாகனங்கள் வடக்கு கோட்டை சுவர் சாலை, முத்துசாமி பாலம் மற்றும் அண்ணா சாலை வழியாகச் செல்லலாம்.

புத்தாண்டு கொண்டாட்டம்-பிற தகவல்கள்:

மெரினா கடற்கரைக்கு வரும் பொதுமக்களுக்காக சுவாமி சிவானந்தா சாலை, வாலாஜா சாலை போன்ற இடங்களில் வாகன நிறுத்த ஏற்பாடுகள் செய்யப்பட்டுள்ளன.

சென்னை எலியட்ஸ் கடற்கரை (பெசன்ட் நகர்) பகுதிகளிலும் இன்று இரவு 8 மணி முதல் போக்குவரத்து மாற்றங்கள் அமலில் இருக்கும்.

மது அருந்திவிட்டு வாகனம் ஓட்டுபவர்களைக் கண்காணிக்க நகரம் முழுவதும் 400-க்கும் மேற்பட்ட இடங்களில் வாகனச் சோதனைகள் நடத்தப்படும் என காவல்துறை எச்சரித்துள்ளது.

பொதுமக்கள் இந்தப் போக்குவரத்து மாற்றங்களைக் கவனித்து தங்கள் பயணத்தைத் திட்டமிடு மாறு சென்னை போக்குவரத்து காவல்துறை கேட்டுக் கொண்டுள்ளது.