ஆசிட் வீச்சில் பாதிக்கப்பட்டோருக்கு ரயில் கட்டணச் சலுகை – ஒன்றிய அரசு பரிந்துரையை ஏற்றுக்கொண்டது

புதிய கொள்கையின் விதிமுறைகளை இறுதி செய்ய 6 வாரம் அவகாசம்

ஆசிட் வீச்சில் பாதிக்கப்பட்டோருக்கு ரயில் கட்டணச் சலுகை வழங்க வேண்டும் என்ற உச்ச நீதிமன்றத்தின் பரிந்துரையை கொள்கை அளவில் ஏற்றுக்கொண்டுள்ளதாக ஒன்றிய அரசு தெரிவித்துள்ளது.

உச்ச நீதிமன்ற பரிந்துரை ஏற்பு

ஆசிட் வீச்சில் பாதிக்கப்பட்டவர்கள் சிகிச்சைக்காக ரயிலில் பயணம் செய்யும்போது அவர்களுக்கு கட்டணச் சலுகை வழங்க வேண்டும் என உச்ச நீதிமன்றம் பரிந்துரை செய்திருந்தது.

இந்த பரிந்துரையை கொள்கை அளவில் ஏற்றுக்கொண்டுள்ளதாக ஒன்றிய அரசு உச்ச நீதிமன்றத்தில் தெரிவித்துள்ளது.

புதிய கொள்கைக்கு 6 வாரம் அவகாசம்

புதிய கொள்கையின் விதிகள் மற்றும் நடைமுறைகளை இறுதி செய்வதற்கு ஒன்றிய அரசுக்கு 6 வார கால அவகாசம் வழங்கப்பட்டுள்ளது.

இதுதொடர்பான வழக்கை விசாரித்த தலைமை நீதிபதி அமர்வு, புதிய கொள்கையின் விதிமுறைகள் மற்றும் நடைமுறைகளை இறுதி செய்து அடுத்தகட்ட நடவடிக்கைகளை மேற்கொள்ள உத்தரவிட்டுள்ளது.

சிகிச்சைக்காக பயணிப்போருக்கு உதவி

ஆசிட் வீச்சில் பாதிக்கப்பட்டவர்கள் நீண்டகால சிகிச்சை மற்றும் மருத்துவ ஆலோசனைகளுக்காக பல்வேறு நகரங்களுக்கு பயணம் செய்ய வேண்டிய சூழல் உள்ளது. இந்நிலையில், ரயில் பயணத்தில் கட்டணச் சலுகை வழங்குவது அவர்களுக்கு நிதிச்சுமையை குறைக்க உதவும் என எதிர்பார்க்கப்படுகிறது.