“சொத்து வரி உயர்த்தப்படவில்லை” – சென்னை மாநகராட்சி ஆணையர் சமீரன் விளக்கம்.

“சொத்து வரி உயர்த்தப்பட்டதாக பரவும் உண்மைக்கு மாறான செய்திகளை நம்ப வேண்டாம்”

சொத்து வரி உயர்த்தப்படவில்லை என சென்னை மாநகராட்சி ஆணையர் சமீரன் தெரிவித்துள்ளார். சென்னை மாநகராட்சியில் சொத்து வரி உயர்த்தப்பட்டுள்ளதாக சமூக வலைதளங்களில் பரவும் தகவல்கள் உண்மைக்கு மாறானவை என்றும் அவர் விளக்கம் அளித்துள்ளார்.

சென்னை மாநகராட்சியில் சொத்து வரி உயர்த்தப்பட்டதாக பரவும் செய்திகளை பொதுமக்கள் நம்ப வேண்டாம் என மாநகராட்சி ஆணையர் கேட்டுக்கொண்டுள்ளார்.

ஏற்கெனவே குறைவாக மதிப்பீடு செய்யப்பட்ட சொத்துகள்

ஏற்கெனவே குறைவாக மதிப்பீடு செய்யப்பட்டிருந்த சில சொத்துகளுக்கு, சம்பந்தப்பட்ட சொத்து உரிமையாளர்கள் அளித்த சுய அறிவிப்பு (Self Declaration) மூலம் வழங்கப்பட்ட உரிய தரவுகளின் அடிப்படையில் திருத்திய மதிப்பீடு மேற்கொள்ளப்பட்டுள்ளதாக ஆணையர் சமீரன் தெரிவித்துள்ளார்.

அதன்படி, திருத்திய மதிப்பீட்டின் அடிப்படையில் சம்பந்தப்பட்ட சொத்து உரிமையாளர்களுக்கு அறிவிப்புகள் வழங்கப்பட்டுள்ளதாகவும் அவர் குறிப்பிட்டுள்ளார்.

உண்மைக்கு மாறான தகவல்களை நம்ப வேண்டாம்

சென்னை மாநகராட்சியில் பொதுவாக சொத்து வரி உயர்த்தப்படவில்லை என்றும், ஏற்கெனவே குறைவாக மதிப்பீடு செய்யப்பட்ட சொத்துகளின் விவரங்கள் திருத்தப்பட்டு அறிவிப்பு வழங்கப்பட்டுள்ளதாகவும் மாநகராட்சி தரப்பில் விளக்கம் அளிக்கப்பட்டுள்ளது.

எனவே, சொத்து வரி உயர்த்தப்பட்டதாக பரவும் உண்மைக்கு மாறான தகவல்களை பொதுமக்கள் நம்ப வேண்டாம் என சென்னை மாநகராட்சி ஆணையர் சமீரன் தெரிவித்துள்ளார்.