எ.வ.வேலு முதல் ஆவுடையப்பன் வரை – 13 மாவட்டச் செயலர்கள் பொறுப்பிலிருந்து விடுவிக்கப்படுவதாக தகவல்
திமுகவில் 13 மாவட்டச் செயலர்கள் விடுவிப்பு செய்யப்பட உள்ளதாக தகவல் வெளியாகியுள்ளது. மாவட்டச் செயலர்களுக்கான உச்ச வயது வரம்பை 70 ஆக நிர்ணயம் செய்யும் தீர்மானத்தின் அடிப்படையில் இந்த மாற்றம் நடைபெறுவதாக கூறப்படுகிறது.
70 வயது உச்ச வரம்பால் மாற்றம்?
திமுகவில் பதவிகளுக்கு ஏற்ப உச்ச வயது வரம்பை நிர்ணயிக்கும் தீர்மானம் எடுக்கப்பட்டுள்ள நிலையில், மாவட்டச் செயலாளர் பதவிக்கான உச்ச வயது 70 ஆக நிர்ணயிக்கப்பட்டுள்ளதாக தெரிவிக்கப்பட்டுள்ளது.
இதன் காரணமாக தற்போது மாவட்டச் செயலாளர் பொறுப்பில் உள்ள 13 பேர் விடுவிக்கப்படுவதாக தகவல் வெளியாகியுள்ளது.
பட்டியலில் இடம்பெற்றுள்ள 13 பேர்
வெளியாகியுள்ள தகவலின்படி, எ.வ.வேலு, செஞ்சி மஸ்தான், கே.எஸ்.எஸ்.ஆர். ராமச்சந்திரன், அனிதா ராதாகிருஷ்ணன், ஆர்.காந்தி, முத்துசாமி, சாக்கோட்டை அன்பழகன், ரகுபதி, சுந்தர், எஸ்.ஆர்.சிவலிங்கம், தளபதி, ராமகிருஷ்ணன் மற்றும் ஆவுடையப்பன் ஆகியோர் மாவட்டச் செயலாளர் பொறுப்பிலிருந்து விடுவிக்கப்படுவதாக கூறப்படுகிறது.
எனினும், இவர்களின் விடுவிப்பு தொடர்பான அதிகாரப்பூர்வ அறிவிப்பு குறித்த விவரங்கள் வெளியாகும் வரை இதனை தகவலாகவே அணுக வேண்டியுள்ளது.