தவெக அரசுக்கு அமமுக பொதுச்செயலாளர் கேள்வி
விலையில்லா வேட்டி, சேலை திட்டம் தொடர்பாக தமிழ்நாடு அரசை அமமுக பொதுச்செயலாளர் டிடிவி தினகரன் கேள்வி எழுப்பியுள்ளார். பொங்கல் பண்டிகையையொட்டி குடும்ப அட்டைதாரர்களுக்கு விலையில்லா வேட்டி, சேலை வழங்கும் திட்டத்திற்கான உற்பத்தி அனுமதி வழங்குவதில் தாமதம் ஏற்படுவதாக அவர் குற்றம்சாட்டியுள்ளார்.
பொங்கல் பண்டிகையை முன்னிட்டு குடும்ப அட்டைதாரர்களுக்கு விலையில்லா வேட்டி, சேலை வழங்குவது ஆண்டுதோறும் செயல்படுத்தப்படும் முக்கிய நலத்திட்டங்களில் ஒன்றாகும். இதற்கான உற்பத்திப் பணிகளை முன்கூட்டியே தொடங்க வேண்டிய நிலையில், அனுமதி வழங்குவதில் தாமதம் ஏற்படுவது குறித்து தினகரன் கேள்வி எழுப்பியுள்ளார்.
“வெளிமாநில நிறுவனங்களுக்கு தாரை வார்க்க திட்டமா?”
தாய்மாமன் தங்க மோதிரம் திட்டத்தைப் போல, விலையில்லா வேட்டி, சேலை வழங்கும் திட்டத்தையும் வெளிமாநில நிறுவனங்களுக்கு தாரை வார்க்க தவெக அரசு திட்டமிட்டுள்ளதா? என டிடிவி தினகரன் கேள்வி எழுப்பியுள்ளார்.
தமிழ்நாட்டில் உள்ள நெசவாளர்கள் மற்றும் நெசவுத் தொழிலுடன் தொடர்புடையவர்களுக்கு இந்தத் திட்டம் முக்கிய வாழ்வாதார வாய்ப்பாக இருந்து வரும் நிலையில், உற்பத்தி தொடர்பான முடிவுகளில் அரசு வெளிப்படைத்தன்மையை கடைபிடிக்க வேண்டும் என்பதே அவரது வலியுறுத்தலாக உள்ளது.
நெசவாளர்களின் வாழ்வாதாரம் குறித்து கேள்வி
விலையில்லா வேட்டி, சேலை திட்டத்தின் மூலம் தமிழ்நாட்டின் நெசவாளர்கள் பயன்பெறும் வகையில் நடவடிக்கைகள் மேற்கொள்ளப்பட வேண்டும் என அரசியல் கட்சிகள் தொடர்ந்து வலியுறுத்தி வருகின்றன.
இந்நிலையில், பொங்கல் பண்டிகை நெருங்கும் முன்பாக உற்பத்தி அனுமதி வழங்குவதில் தாமதம் ஏற்பட்டுள்ளதாக தினகரன் சுட்டிக்காட்டியிருப்பது அரசியல் வட்டாரத்தில் கவனம் பெற்றுள்ளது. இதுகுறித்து தமிழ்நாடு அரசு என்ன நடவடிக்கை எடுக்கிறது என்பது எதிர்பார்ப்பை ஏற்படுத்தியுள்ளது.