முதல்வரைப் பாராட்டிய பகுதிகளுக்கு எதிர்க்கட்சிகள் எதிர்ப்பு; அவையில் பரபரப்பு
வேளாண் அறிக்கை தமிழ்நாடு சட்டப்பேரவையில் தாக்கல் செய்யப்பட்டபோது, அமைச்சர் வினோத் முதல்வரைப் பாராட்டிய சில பகுதிகளை வாசித்ததற்கு எதிர்க்கட்சிகள் எதிர்ப்பு தெரிவித்தனர். இதையடுத்து, வேளாண் அறிக்கையில் இடம்பெற்றுள்ள அம்சங்களை மட்டும் வாசிக்க வேண்டும் என்று சபாநாயகர் அமைச்சருக்கு அறிவுறுத்தினார்.
எதிர்க்கட்சிகள் எதிர்ப்பு
வேளாண் அறிக்கையை அமைச்சர் வினோத் வாசித்து வந்தபோது, முதல்வரைப் பாராட்டும் வகையிலான சில கருத்துகள் இடம்பெற்றதாக கூறி எதிர்க்கட்சி உறுப்பினர்கள் ஆட்சேபனை தெரிவித்தனர். இதனால் சட்டப்பேரவையில் சில நிமிடங்கள் பரபரப்பு ஏற்பட்டது.
இதையடுத்து குறுக்கிட்ட சபாநாயகர், வேளாண் அறிக்கையில் உள்ள விவரங்களை மட்டும் வாசிக்க வேண்டும் என்றும், தேவையற்ற கூடுதல் கருத்துகளைத் தவிர்க்குமாறும் அமைச்சருக்கு அறிவுரை வழங்கினார். அதன் பின்னர் அமைச்சர் அறிக்கையைத் தொடர்ந்து வாசித்தார்.